በ 2013 ዓ.ም. በአዲስ አበባ ኢትዮጵያ በመደበኛነት የተቋቋመው እና የብዙ ቋንቋዎች አገልግሎት አቅራቢ (MLV) የሆነው ኢትዮስታር የትርጉም አገልግሎት፣ በውስጡ ብቃት ያላቸውን ተርጓሚዎች፣ የሎካላይዜሽን ባለሙያዎች፣ መዝገበ ቃላት አዘጋጆች፣ ፕሩፍሪደሮች፣ ኮፒ ጸሐፊዎች፣ ትራንስክሬተሮች፣ የመተግበሪያ ሶፍትዌር አዘጋጆች፣ የበይነ መረብ ግብይት ባለሙያዎች፣ የኮምፒውተር ፕሮግራመሮች፣ ለድርጅቱ የዕለት ተዕለት ሥራዎች አስፈላጊ የሆኑ የቢሮ እና የድጋፍ ባለሙያዎችን የያዘ ነው።

በአስመራ ኤርትራ፣ ካርቱም ሱዳን፣ ጁባ ደቡብ ሱዳን፣ ናይሮቢ ኬንያ፣ ሞቃዲሾ ሶማሊያ እኛ ጅቡቲ ቅርንጫፍ ጽሕፈት ቤቶችን ለመክፈት ራዕይ ይዘን እየተንቀሳቀስን እንገኛለን፣ በዚህም በአፍሪካ ቀንድ ያሉትን ሰፊ ባህሎች እና ቋንቋዎች በማስተሳሰር በቀጠናው ቋንቋዎች እና ባህሎች ላይ የሚደረገው የጥበቃ፣ ምርምር፣ የመረጃ አሰባሰብ እና የማጎልበት ሥራ ላይ መሳተፍ እንችላለን።

ስለዚህ ኢትዮስታር በተለይ በአፍሪካ ቀንድ፣ እንዲሁም በአጠቃላይ አፍሪካ ከፍተኛ ጥራት ያለው፣ ሙያዊ እና ተዓማኒ የሆነ የቋንቋ ትርጉም አገልግሎት አቅራቢ ለመሆን በቁርጠኝነት እየሠራ ይገኛል።በቋንቋ አገልግሎት ዘርፍ ውስጥ ቀዳሚ መሆናችንን እና ከፍተኛ የትርጉም ውሂብ፣ እውቀት፣ ሀብቶች እና አገልግሎቶች ላኪ መሆናችንን ለደንበኞቻችንም ለራሳችንም ማረጋገጥ ፍላጎታችን ነው። በሥራችን ደስተኛ የሆኑ ደንበኞቻችን የትርጉም ፍላጎቶቻቸውን በማሟላት ወደ ስኬት የሚያመራው መንገድ ውስጥ ለማስገባት ቃል ገብተናል።

የላቀ ደረጃ ለመድረስ የጋራ ግብ በመያዝ የተነሳን እንደ አጋር በጋራ የምንሠራ የተርጓሚዎች እና አስተርጓሚዎች ስብስብ ነን። የሎካላይዜሽን አገልግሎቶችን ወደ ኢትዮጵያ በማስተዋወቅ ረገድ ፈር ቀዳጅ ድርጅት እንደመሆናችን መጠን ትክክለኛውን ሂደት ከሁሉም ገጽታዎች አንጻር ከመገንባት አንጻር ብዙ መሠራት እንዳለበት እናውቃለን።